மன்னார் மடு பிரதேச கலை பண்பாட்டு விழா மிகவும் சிறப்பாக நடைபெற்றது

மடு பிரதேசச் செயலகம் ஒழுங்கு செய்த வருடாந்த கலை பண்பாட்டுப் பெருவிழா இன்று வியாழக்கிழமை மடு பிரதேச செயலக மாநாட்டு மண்டபத்தில் மிகவும் சிறப்புற நடைபெற்றது

மடு பிரதேசச் செயலர் கீ பீட் நிஜாகரன் தலைமையில்  நடைபெற்ற இந்த நிகழ்வில் மன்னார் மாவட்ட செயலாளர் க கனகேஸ்வரன் அவர்கள் பிரதம   விருந்தினராகவும் வடக்கு மாகாண பண்பாட்டு அலுவல்கள் திணைக்களப் பணிப்பாளர் திருமதி லாகினி நிருபராஷ் சிறப்பு விருந்தினராகவும் மடு வலயக் கல்விப்பணிப்பாளர் திருமதி வொலன்ரைன் கௌரவ விருந்தினராகவும் கலந்து சிறப்பித்தனர்

இந்த நிகழ்வானது இன்று காலை 9.15 மணியளவில்  விருந்தினர்கள் குடை கொடி ஆலவட்டம்  கோலாட்டம் கும்மி நடனம் பூரண கும்பம் தாங்கிய மகளிர் மற்றும் தமிழ் வளர்த்த சான்றோர்களின் வேடப்புனைவாளர்கள் சகிதம்  சம்பிரதாய பூர்வமாக வரவேற்கப்பட்டனர்

தொடர்ந்து அரங்க நிகழ்வுகள் மடு பிரதேசச் செயலாளர் தலைமையில் அமரர்  செல்லன் மாதவன் அரங்கில் கலைநிகழ்ச்சிகள் நடைபெற்றன  இதன் போது மூன்று கலைஞர்கள் விருதுகள் வழங்கி கௌரவிக்கப்பட்டனர்

மேலுட் இந்த நிகழ்வில் அரச உத்தியோகத்தர்கள் கலைஞர்கள் பாடசாலை அதிபர்கள் ஆசிரியர்கள் கலைமன்ற உறுப்பினர்கள் மாணவர்கள் என பலர் இந்த நிகழ்வில் கலந்து கொண்டனர்

நீண்ட கால இடைவெளிக்குப் பின்னர் இவ்வாறான சிறப்பானதும் ஒழுங்கமைக்கப்பட்டதுமான  விழா ஒன்றை மடு பிரதேசத்தில் காணமுடிந்ததாக நிழ்வில் கலந்து கொண்ட பலரும் கருத்துத் தெரிவித்தனர்