முல்லை மாங்குளம் பகுதியில் மோட்டார் சைக்கிள் விபத்து இரு இளைஞர்கள் சம்பவ இடத்தில் பலி

மாங்குளம் வெள்ளாங்குளம் பகுதியில் மோட்டார் சைக்கிள்  இரண்டு நேருக்கு நேர் மோதியதில் இரு இளைஞர்கள் உயிரிழந்ததோடு ஒருவர் படுகாயமடைந்த சம்பவம் ஒன்று புதன்கிழமை (20) மாலை 5.30 மணியளவில் இடம்பெற்றுள்ளது.

முல்லைத்தீவு மாங்குளம்  பகுதியில் இருந்து மல்லாவி நோக்கி சென்ற மோட்டார் சைக்கிளும்  மல்லாவியில் இருந்து மாங்குளம் நோக்கி சென்ற மோட்டார் சைக்கிளும்  நேருக்கு நேர் மோதி விபத்துக்குள்ளாகியுள்ளது

குறித்த மோட்டார் சைக்கிள்கள் வேகக்கட்டுப்பாட்டை  இழந்து மாங்குளம் வன்னிவிளாங்குளம்  ஐந்தாவது மைல் கல் பகுதியில்  மோதியதில் குறித்த விபத்து சம்பவம் இடம்பெற்றுள்ளது. குறித்த சம்பவத்தில் இரு இளைஞர்கள் உயிரிழந்ததோடு ஒருவர் படுகாயமடைந்த நிலையில் கிளிநொச்சி வைத்தியசாலையில் அனுமதிக்கப்பட்டுள்ளார்.

குறித்த விபத்து சம்பவத்தில்  மாங்குள பகுதியில் வசிக்கும் விஜயகுமார் விதுசன் (20 வயது) ஜெயகுமார் விதுசன்( 23வயது ) ஆகிய இரு இளைஞர்களே உயிரிழந்துள்ளனர். மரியதாஸ் சுவாமிகீர்த்தி (31 வயது) எனும் இளைஞர் படுகாயமடைந்துள்ளார்.

குறித்த விபத்து சம்பவம் தொடர்பில்  மாங்குளம் பொலிஸார்  மேலதிக விசாரணைகளை  முன்னெடுத்து வருகின்றமை குறிப்பிடத்தக்கது.